Posted by: Elsies | Augustus 19, 2010

Skoolhoof aanstelling

Graag deel ek my aanstellingsvreugde asook voorreg met u as ouergemeenskap.  Dit is vir my ‘n besonderse eer om aan die hoof te staan van Laerskool Elspark.  Hierdie skool is geseën met ‘n wonderlike personeel, ouergemeenskap en pragtige kinders wat mooi waardes en norme uitleef, wat voortspruit uit hul opvoeding.

Wees verseker dat ek soos in die afgelope 18 jaar alle aandeelhouers van die skool se belange op die hart dra en dat my persoonlike doelwit een van diens aan elkeen van u is.

Die skool se grondslag sal nog steeds gebaseer wees op Christelike beginsels gekoppel aan mooi waardes en norme.  Ons sal ook poog om, waar moontlik, ons standaarde op alle vlakke te verhoog (akademie, sport, kultuur, dissipline ens).

Belangrik vir u as ouers om te weet is dat hierdie skool nie aan my behoort nie, maar aan u as ouer.  Daarom wil ek vir u nooi en aanspoor om altyd positief betrokke te wees by u skool.  Die sukses gaan nie net van my persoonlik afhang nie, maar u volgehoue ondersteuning.  By voorbaat dankie dat ek weer soos in die verlede op u kan staatmaak.  Ek waardeer u geweldig.   Mag ons Hemelse Vader gee dat hierdie skool van krag tot krag sal gaan en dat ons altyd ons leuse – kennis, liefde en diens – gestand sal doen.

Groete
Fred Gericke


Responses

  1. Baie geluk, Mnr. Gericke! Ons is baie bly saam met u, en ons weet dat dit God is wat aanstel. U verdien dit, want deur die jare het u aan ons as ouers gewys dat u hart in Laerskool Elspark is. Baie dankie vir alles wat u al oor die jare vir ons kinders beteken het. Ons glo dat u hierdie belangrike rol met baie gebed en Godgegewe wysheid sal volvoer. Mag die Here u seen elke tree van die pad.
    Groete, Werner en Venessa van Eyk

  2. Baie geluk, Fred!!! Alle voorspoed en sterkte met jou harde werk wat voorle. Groete. Tiela***

  3. Fred,

    baie geluk met jou aanstelling as skoolhoof van Laerskool Elspark. Ons glo jy is die persoon wat die regte besluite sal neem namens ons kinders en die ouergemeenskap.

    Voorspoed en sterkte met hierdie uiters belangrike pos word jou toegewens.

    Groete
    Marius en Celeste Stevens

  4. Baie baie geluk Fred! Ek is saam met jou bly en alle voorspoed vir die taak wat voor jou le. Lovies Vygie

  5. Baie Geluk met die aanstelling Mnr. Gericke! Ek glo jy gaan baie suksesvol wees in jou aanstelling en ons kinders se belange ten alle tye op die hart dra.

    Nogmaals geluk!

    Groete
    Riaan en Petro Pieterse
    JA Pieterse and Associates Attorneys


Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s

Kategorieë

%d bloggers like this: